قومي وبرنجي

بالشامية والفرنجي .. بالآراب وباللاوندي

بربي وصعيدي إخوة .. حنبلي وخليجي إخوة

والوطن قومي وبرنجي ..

ألفة تتدرس علومه حلم شاغل كل يومه

يبني ويفكر وينتج

يرفع الراية العظيمة فوق جبال حب وشكيمة

نصبح الأمة العليمة مين عِدانا ومين حبايب

النفوس صافية وروحنا

ترمي بذرة في ليل صدوحنا

تطرح الشمس اللي تبهج

تسكن الحُمرة وجوهنا نَستّدِل بدل ما توهنا

أرض واحدة وتوبها توبنا 

جيرة عشرة أهل ونسايب

وصعب يبقي فقير وعادم 

جنبه أخوه أمير و حاكم

عنده كنز لكنه خادم بايعه للغرب الحلنجي

وحدة الصف إجتماع ضد قوانين الضياع

يا إحنا يا الزمن الضنين بالشهادة موحدين

بالأمل متفائلين .. بالعمل مؤمنيين

الشروق بعد الغروب والحياة بعد الجدوب

نتحد سارجي ومارجي ..

نبقي كالجسد اللي واحد صده واحد رده واحد

نرجع تاني فاعلين مش ضحايا ومفعولين

قائدين للعالمين مش غلابة ومجروحين

الشتات ليه إختيار يطفي بالفُرقة المنار

وحدة قوة وإقتدار والوطن قومي وبرنجي ..