يا بلدنا حلي الضفاير فٌكي عٌقدك م الغريب
توهنا ليه بين الرحايا عشنا ليه بدون دليل
قولنا للي بيجزي العطايا أنت وعدنا
والسبيل
و إجتهادنا زاد وبالنا ضن حالنا .. إحنا
العبيد
الغريب أبو مال وفير إديناله الأرض ببلاش
و العجيب لا والخطيرالرشاوي مدفوعة كاش
لا إرتبطنا بذات المصير
و لا حتي قولنا وطننا عاش
و المصايب فوق النوايب
و كأني غايب عطشان وحيد
يا بلدنا دقي المزاهر فوق الأحبة
والمجروحين
و إفرحي بشباب مثابر زهرة جوة البساتين
نفسهم في سبيل بلادهم يبقوا إخوة متوحدين
و الحياة تصبح حياة كل المنا .. نصنع جديد
كلنا علي أرض واحدة بنية واحدة ماشيين
طريق
أرضنا نزرعها وهبة نجعلها شابة بحق وحقيق
كنزها ملك لولادها يكفي سؤالهم في أي ضيق
بين إيدينا كحلة عينينا وسارقها فينا
وعاملي سيد
و بلدنا عرفت غريبها اللي بإيده خاربها
و
تاعبها علي الدهور
عطلتوا ليه المسيرة فرقة وألم و حيرة
مش آن لينا الظهور
نبقي الكبارات بناسنا
نعلي ويثبت أساسنا
نحلم ونشوف مقاسنا
و الضلمة هتبقي نور يضوي الحلم البعيد ...
ليست هناك تعليقات:
إرسال تعليق