ساعة الصفر

آن الآوان ودي ساعة الصفر

 نرد مصر لأحلي مسار

آن الآوان ودي ساعة الصفر

 نخليّ مصر أحلي الأقطار

يا مصر بدموعي بأغني

ومن دموعي بكيت أنهار

فين كف مصر المتحني

يمحي الدموع ويدفي الدار

انتي الكافور جنب التوتة

 وانتي اللي حبك حدوتة

عاشقة الطيابة المكبوتة

تحت الرمَاد وفي وسط النار

وسألت فين ساعدِك جانبي

 يشد أزّر شباب أحرار

بير الألم عندي معبَّي

عند الشباب طال الأفكار

يا مصر ولدك متحنط

قال اللي فيه عبث الأقدار

واستغفر الرب وشبّط ..

 شبّط عزايمُّه في الأذكار

يا حبيبتي جذِعك مال ميلة

فاضل هبابة ريح مكار

والإنكسار جاي في ليلة

لما العطش يروي الأشجار

قنديل حياتي النور مطفي

وسط الضلام كنت انتي فنار

والعلم ليه مبقاش صفي

والحب أصبح م الأسرار

يا مصر لو شابوا الولِدان

مين اللي يحميلك الأسوار

والإنتماء ما بقاله مكان

في قلوب حجر تايهة المشوار

عقلي إتسرق .. مُخك منزوع ..

 ممَّحي الوجع بإيدين أشرار

صرخة ألم تحيي الموجوع ..

كلمة ندم تنده لنهار

معرفش ليه خايفة الأحلام

ترمي البذور في قلوب أزهار

والعقل فينا يعودله مقام

مش صحرا جَردا وأرض بوار

يا مصر يا أمّا أنا ابنك ضال

عاشقك بلومي مع استنكار

فاير وحُبي حماس ونضال

ثاير لكني حارس زنهار

بأحميكي منك علي نفسك

وأحميكي من غدر الكفار

اللي ماآمنوا اني أنا شمسك

وانتي القمر يا قمر نوار

يا مصر ليه مُصِرة نقولك

اني إحنا شروة في أيد تجار

ما تـحُط بَعضِك علي كُلك

ونبقي واحد قوي جبار

يا حبيبتي شهدِّك بقي علقم

 والعزف ناشذ ع الأوتار

أفراحنا ليه صَبحت مَيتم

 آمانينا مش تحت المنظار

مين إحنا إلا ولاد طينك

شايلين أمل أجدّع شُطار

رغم اللي صاير حبينك

عشق العمل لعينيكي أهو صار

يا مصر أفديكي بدمي

بأنده في مدنه أنا المغوار

وشبابنا لو حسَّوا بهمّي

راح تبقي مصر أم الأمصار

ننزل ميدان علم يفيدنا

نطلع جبال بشموخ ثوار

وإبِّعد يا جهل ما جيه عيدنا

رَديّنا مصر لأحلي مسار ..