يا غربة جافية
النوم من بدري مستني
و مشاغبة فيا اليوم
بمساعي هدتني
ضاع الأمان و الحب
بين لوم وكره وكدب
هاجت بحار الغدر
علي شط حب الأهل
و السيل هري
العمدان و الجاني أصبح جان
و لا حد م الخلاآن
دقيت في نبضه و حب
حب الحياة مني
يا ربيع خد
التخاريف و إملا الشتا بخريف
ف الصيف و قلبي
عفيف و بأحب أكون إنسان
فارد جناح كروان
رزقي بميعاد و آوان
و الباقي ع الرحمن
ألقي الحيتة في مكان
ألوان نغم فني
غربة ف سواد الليل
كالشمس مكسورة
و بنفسي أزيد الويل
علي نفس محسورة
و أفضل مع الصورة
أحضنها وأدفي
و أنام علي قلوعها
و أموت علي الدفة
و أطبع بياض العين
علي قلب أبو التفانين
و أحضن حنان و حنين
كما أرضي حضنتني
و أصبر علي
المسافات ما الدنيا ياما تدور
و أصاحب الأوقات و
أحلم في قلب النور
و أشرب وأتمني أصبح
علي جنة
و أزرع ما فاتني
زهور بتحني أحوالنا
ده شئ غريب مني قرب
يجنني
و لا برج فيا ينام
و لا غمضة م النني
عقلي شرد مني مع شئ
بعيد عني
و لا عادش فيا دموع
و لا قلب طمني
بأنسي اللي عايزني
و بأروح لكارهني
و أطرح سؤال حراق و
إجابته تقتلني
ليه الكوبري و
الأنفاق دايما محاوطني
لا وصلت أي طريق و
لا غربة ردتني ..
ليست هناك تعليقات:
إرسال تعليق