قـطاعـين طـُرق

 

قطّاعين طرق يا ناس لاطـشـي م الناس مـداس

نشّالين قلب الحياة راحوا ع الفـُجـر بحـماس

نـطاطـين لـزءات غِـرّة يلـعـبوا بالمـقـدّرة

تبـَّيـض سنـين الأسـافـل أمـا ناسـنا مـعـذرة

كـدابين زفـة عـريس يلبسوا لبـس البـوليـس

يبـخـسوا حـقي الحبـيـس بين زنـازن قـاهـرة

دول أبالـسّـة ملـغمـطيـن بالـدُرر ومبـسـوطـين

قِـسـيوا علي طمّي الندي وإختـفـوا آثـارات في طين

إرجعـوا لا ماترجعـوش إرحلوا وإخفـوا الوشـوش

ما التـنابلة ولِـدوا هـبلة وأصلـكم مبتـخـتـشـوش

بلطجية ع الضِـعـاف أرُزقـية في ديل حيـتان

اللي خاف منكم ما خاف واللي بان منكم ما بان

شيلوا أقـنـعة التخـفي وإلبسـوا نايلـون سـتان

إنتـوا ليه دايما ً يا ناس في الحياة من غير أسـاس

هتّـافـين أو هتّـاشـين تلعـبوا مع دول ودول

والقـمُار إدمـان مهـين للبـشـر من ألف حول

لكن العـقـل التـخـين إتحـشـر يوم الوصول

إلمسـوا حِـلم بمـقـاس وإوصـفـوه ليكم يا ناس

تخـطـفـوا اللُـقـمّـة في بُـقـي والكحـكة في إيديـا عـَجـَبة

طـبلـوا ويا داهـية دقــُّي ده السمك مبـقـاش بـرقـبّة

والمية نـشِـفـت يا ناس

رأيكم إنتوا يا ناس والحَـلـّة غـَطـاها حـاس

مش عـارف غـير أبقـي نفـسـي

حـقـاني  في بـلاط نـخـاس .. والحـق عليكم يا ناس

نصـابـين والنـَصـب غـّية عـقـــَّاديـن أسهـل قـضـيـة

طول ما أرواحـكو خـفـيـة في عـيونـكو المـسـتـحـية

تـنـطـفـي نـار الحـمـاس ..

طـول ما فينا المسـتكـوفـي واللي مش فـاهـم طبـيعـته

راح نـنـادي اللـيل نهـار والتـايـه هـتـزيد فـجَـيـعـتـه

والحقيقة هـتمـحي خـوفي لما قلبي يعـيـش طبيـعـته

يمكن ده الحل يا ناس حـُبـنا هو الأسـاس