علي عليوة

 

علي عليوة ياللي ضرب الزميرة ياللي

وضربها حربي ياللي نطت في قلبي ياللي

قلبي الموجوع قاللي إحلم بسبوع اللي 

يرتاح إنسان وفي أي مكان وفي أي زمان

بلد المحبوب ماليانة دروب 

درب الوجدان عطشان لحنان

يحلم بقلوب بتحب تدوب

طعمها أنهار مش حزن مرار

ومرار الخوف صاب مِنا ألوف

دي ألوف حيرانة والناس تعبانة

محتاجة شروق وتطير علي فوق

فوق الأحزان عدي يا إنسان

درب الغدار تايه في مدار

ومدار النور داير ما يدور

بيدُور علي واحد قلبه مش جاحد

يضرب زمامير تنده عصافير

عصافير الجنة بتحنّي الحِنة

وتطير جماعات فوق السماوات

ترحل ل بعيد حاسبة المواعيد

ويا سرب الطير بتقول أنا غير

أنا غير الناس ماليان إحساس

بأنسي الهفوات مع ذنب ومات

ويا قلبي العاشق في الدنيا دي راشق

وسط المواويل عايش بالليل

من غير قمرات من غير نجمات

والحب دليل علي درب طويل

درب المحبوب مشوار مكتوب

وجبين الناس بالهوي ونّاس

والناس ألوان عايشين لآوان

إصحي يا إنسان وبلاش توهان

إرجع أو عُود أو كون موجود

وتعدي حدود في العشق خلود

إنسان .. إنسان .. دايماً كسبان

لو يدّي حنان يحصُد في أمان

وآوان الخوف يهرب مكسوف

ونعيش دنيانا إخلاص وأمانة

جوانا ورود عايشين بحدود

ولا بيننا مكان لغريب خوان

إصحي يا إنسان وفي أي مكان وفي أي زمان ..