الثلاثاء، 10 مارس 2015
بلدينا
هو انت مين يا بلدينا
يا ابني انت واحد منينا
جواك وليه مش صافي لحد
ولا فارقة عندك سبت وحد
ولا ذكاءك فاق الحد
واخدنا 100 مرسي ومينا
يعني انت ابيض من الفستان
ولا العريس جاته هَوسّه.. جنان
عمال بيجري ضرير عريان
آل ايه معاه مفتاح مينا
بأمانة فاضي ولا مسكون
ولا انت جتة بجلد ولون
عاقل وفي النرفذة مجنون
عاصر لمونتين في عينينا
مالك يا جني ومال سليمان
عطشان و ع السمكة هفتان
خادم لإنس قريب الجان
ولا انت في الصحرا جنينة
ياللي بتُخرط توت نبوت
إنفش في ريشك يا كتكوت
صدر طريشة خوف مكبوت
مربوط فيونكّا تعزَّينا
يا بحر هايج موج غدّار
انت السبب في وجود الدار
منحوت علي كهوفك عمار
لكن مكير وابن لذيَنا
يا خواجة قوللي كلام الجد
مبقاش ما بيننا أيُها حد
كشف العِوّر بقيّ ثنَي ومَد
كل الصُفح بتنسينا
سكران وماشي بتتطوح
ولا انت عادي و مروح
شَغال بتكدب و تِسوّح
عيش بالأدب يا تهوينا
انت المراكبي علي الدّفة
ولا انت بُق ملآن تفة
والكفتين عندك كفة
كفا بقي لتِعدينا
ياللي انت طاير طيارة
غرقان في دنيا الحيّارة
إديني في العشق آمارة
وأنا وأنت هنضَّوي الزينة..
الاشتراك في:
تعليقات الرسالة (Atom)
ليست هناك تعليقات:
إرسال تعليق