السبت، 14 مارس 2015
عـايـز أتـجــوّز
عــايـز أتـجـوز و أعـمل إيه ؟!
و أنـا مـأمـلُـكـش في جـيـبـي جـنـيـه
100 شُـغـلانـة و حَــطّ و شــيـل
دنـيـة حــظ و فـــرح و ويـــل
و أنـا جــواهـا وحـيـد وعـلـيل
نـفـسي في صُــبـح يــغَـمّي اللـيل
نـفـسـي أتـجـوز و أعـمل عــيـلة
طِـــفــل صُــغــيـر أفـــرح بـيـه
شــكــلـهـا كـده الــسـكـة طــويـلـة
و أنـا مـأمـلـكـش في جـيـبـي جـنـيـه
عَـــرقــيّ و دَمـــيّ و كــــدّ دِراعـي
دول أمــلاكــي .. هـل من داعـي ؟!
حــد يــداوي جـــراح أوجـاعـي
شُـــغــلـة كــريـمة بــ .. قــرش حــلال
أقـــدّر أبـنـيّ مـنها حـيـاتـي
و أرسِــم شـكـل الـجـاي الآتــي
يـوم ما ألــبّـي حُـــكــم حـمَـاتـي
أبــقـي سَــلـيـم مــرتـاح الـبـال ..
إخـلاصـي و أمـانـتـي في عـملي
تـبـقي في طـبـعـي طـب أحــقـد لــيه ؟!
حــقــي واصـلـنّي و بـأزرع أمـلـيّ
مــع مـجـهـودي في فــرح آلاقــيـه ..
بــس الــواقـع مــؤلِــم جــداً
ديـك بــرابــرنـا بــطّــل يــدّن
و الأســـعــار إنـفـلـتـت جــداً
و أنــا مَــفــلـوس أبــاً عـن جــداً
إوجِـــدّوا حــل يا أهـل الـخـيـر
يـا أهــل الــفـكـرة و الـتـدبـيـر
عــايــز أتــحَـب و أحِــب و أغَـــيـر
مـن غـيـر زوجـة مـالـيـش تــأثـيـر
و إن مـعـرفـتـش أعـمل أسُــرة
هـتـعـيـش روحـي بــ .. روح مـنِـكـسـرة
و أبـقـي مُـعـطـل أو عَــطـلان
بـعـد مـا كـنـت نــشـيـط و مُــجِــداً ..
مـن غـيـر مـا أحـلـم أعـيـش عـلي إيـه ؟!
أيـوة أنـا بـأسـأل طـب أعـيـش لـيه ؟!
جــدران بـيـتـي حــضـن آداريــه
شُــغــلي ده غـيـطي أحــــرِّت فــيـه
حِــســوا بــ .. قـلـبي يـا أهـل الـخـيـر
عــايــز أتـجــوز و أعــمـل إيــه ..؟!
الاشتراك في:
تعليقات الرسالة (Atom)
ليست هناك تعليقات:
إرسال تعليق