علي قد لِحافي

علي قد لحافي مَديت كَفي

ولاشئ كافي ولاشئ صفي

و بأبات شبعان وأنا عقلي جعان

في الصيف بردان وأنا متدفي ..

وحياتي سراب بس أنا موجود 

في عينيا ضباب لكن موعود

  بـ خراب مجبور ظلم مِشفّي ..

أوله جهلي بـ علام الله 

وتانيه أهلي ضآليين الله

والباقي كتير وكتير وكتير

وطريق مفيهوش نور للمشاوير

لا قمر لا شموس ولا نبتة خير

 ولا بلّة ريق .. حلم مصفّي ..

وإن نِشف الريق بأفضل ظمآن

بأخرج من ضيق لمرض أبدان

وبأعيش معكوس عقلي مِرفّي ..

وبأصدق أي عابر كداب

أو أي عدو إختفي في أحباب

ولا بأعرف أميز ولا أقول "حاص"

رأيي المدفون إتمحي م الراس

وباقوله لنفسي ومالي خلاص

كان عندي صديق بقي متوفي ..

وإن ضج العقل فراغ وخواء

يسمع 100 صوت ويقول أصداء

مش سامع حاجة أنا مِستكفّي ..

لو إيه هيصير أنا متكلمش

أسمع من غيري ومأتعلمش

مين ياخد إيدي يعديني

علي بر أمان و يرَسيني

أرهن عنده كل سنيني

عقله ده جرئ مش مُتخفّي ..