شئ وراح

 كان في بيننا شئ وراح 

ساب مكانه سواد جراح

هو إيه الله وأعلم

 يمكن الحب بسماح

أو يمكن سكة أمان

 توهتنا علي الطريق

والشجر والخير زمان

 والزمن مبقاش برئ

حتي إحنا مالناش وجود 

في السعادة والخلود

تتوصف لينا الحدود 

وإحنا ما بنكبح جماح

نخدع الضحكة الرقيقة 

في السواقي والعيون

ننجرح بسنون حقيقة

 تخلف ويانا الظنون

يشهد الليل الحنون 

كام قمر نوّر في ضيقة

وأما ثورنا وقولنا توبة 

والجهاد فرض العروبة

إنكشف أمشير وطوبة 

بالعواصف والرياح

مش يمكن مش تايهة حاجة

 بس إحنا زيفنا حاجة

فلاحين محصول ديباجة 

والبلاد الساح بداح

وإعتكف قلب الأحبة 

بين دروبات السنين

ملتقوش ولا فرحة حابة 

تمحي في الحزن الضنين

والهوي دقّة ودبة

 من معاول مسخوطين

كانو طين صبحم طنين 

زاد هوان دمع العينين

وإحنا ماديين الإيدين 

والودان طفحت وسدّة

سدت في سبل النجاح 

يمكن العقل اللي راح 

في شرايين الكفاح

جف دم الحب فيها 

واللي سال قال دمي ساح

أفكارنا الحلوة الجميلة

 تترمي في سلة سكوت

أما أفكارنا العليلة

 تتحضن لو فيها موت

حسنا منبوح بصوت

 العويل بين ناس وعيلة

نبتسم علي بابها يوم 

 شوق مطر بعد الغيوم

خوف قدر من بعد لوم 

ليل نطق شمس الصباح

يمكن في صدق المرايا 

نعرف النور والبداية

نبتدي منين الحكاية

 نهتدي علي فجر لاح ..