جف الينبوع

 

جف الينبوع يا بشر مخدوع

الخير إتهان في بيادي الجوع

ضل الحيران و إرتاح الشـر

وأهو فاض فيضان في بشر مجزوع

حتي اللي إتعاش في بواقي النور

في القلب أهو جاش بـنيران بـتثور

والبير إتملّي و إتعبّي كسور

و إنشق الحيل في سفر و رجوع

و إرتوي يا مرار إعطش يا حنان

مبقاش في مدار .. مبقاش في مكان

حتي المحسوس بقي درب خيال

ماهو كان ملموس بقي فجأة محال !!

إشرب يا زمان دم الغلبان

صفّي الأبدان من أي امان

فوتنا مجاريح عطشا التفاريح

بننول تباريح بألم مسموع

إبكي يا أقدار الحظ أهو فاز

خلص المشوار يا سراب هزاز

نُصنا مفتون و النص هباب

بنجاح قطعنا حبل الأحباب

ونعيش في أكواز ونقول ده مزاج

والفقر مفاز يا بشر حواج

يا عيون عاميين جايين م الطين

مش ذل مهين وخضوع علي جوع

سافري يا أحلام ماحناش جايين

وإرحل يا غرام في قلوب تايهيين

سلّمنا رايتنا لولاد أباليس

شمّرنا دراعنا قولنا يا مغيث

ساجدين راكعين علي طول داعيين

بس يا حسرتنا في حلوقنا أنين

بقي قوتنا نِضال .. فِكرنا بطّال

ونموت ف الحال وإدفعي يا دموع