الاثنين، 9 مارس 2015
أهل الخواص
خصوا الخصوص والإختصاص لأهل
الخواص
إدوا النصوص لأهل النصوص
وإمتصوا إنتوا كل الدروس
وارموا الفلوس لديدان و سوس
تنهش جتتكم يوم الخلاص
عشق الحياة ده لمنتهاه
فينا المواهب من غير شطط
للكل غاية مش أي غاية
كل الحكاية حكمة وقدر
لو عندي كلمة ليه ماأكونش شاعر
و إن كان في هِـمّة أضوّي المشاعل
وأمرُّ بيها علي نفسي فيكم
وأتعب مَساعي ما أنا كلي ليكم
لو كنت زارع ليه ماأبوسش طيني
وإن كنت وارع فين هم ديني
لو كنت صانع أصنع إفادة
بضمير وصاحي تقوي وعبادة
لو كنت بنَيّ كنت أبني بيت
وأفردها جنة بنهر ومحيط
وإن كنت فارس ليه ماأكونش
حارس
بلد الفوارس أم المدارس
لوكنت كاتب ليه ماأقولش قصة
وإن كنت خايب أصبر ولسه
لو كنت فكرة أنا هأهديهالكم
ع الصبح بكرة تبقي في خيالكم
أنا كلي ليكم إنتوا يا ناس
والشرط خاص بالإختصاص
إدوا الخصوص لأهل الخواص
كده هو هتعمر أمك يا ناس ..
الاشتراك في:
تعليقات الرسالة (Atom)
ليست هناك تعليقات:
إرسال تعليق