يــقـدّر عُـمـري عـلـيّا يـلـوم
بـعـد ما عِـشـت سـنـيـن مـحـروم
هـيـقـول فـيـنـك م الأيـام
هـُما سـنـيـنـك عــدّوا قـوام
و انـت بـتـِكـبـر ولا بـتـِصـغـر
فـيـن أحـلامـك صـح الـنـوم !!
و أنـا مـش هـأقـدر أرُد عـليه
ولا هـتـألـم م اللي أنا فـيـه
أيـوة عـرفـت هـأضـحـي بـإيـه
عـلـشان حـلـمي أعـيـش مـهـزوم !!
هـو ده سِـلـو الـزمـن الـصَـعـب
هـي دي أحـلي سـنـيـن الـرُعـب
لـو مـش قــادر يـبـقي أغــادر
ما أنا مـش مـمـكـن أدوق اللـوم ..
فـاضـل إيـه في سـنـيـن الــروح
يـبـقـي أتـحّـمـل مـن غـيـر بـوح
و أحـلـم زى أنـيـن مـجـروح
لــمّ الـجـرح و داق الـنـوم ..
جـوه مـرايـتي لـقـتـني بـأشـيــخ
من صـديّ صـوتـي سـمـعـت صِـريــخ
بـيـقـوللي إحـلـم و إيـاك تـنـدّم
هـو الـعـمـر ده لـيـلة و يــوم !!
ليست هناك تعليقات:
إرسال تعليق