الجمعة، 6 مارس 2015
العكس صحيح
نشُرخ في
الريح .. نرجع مجاريح والعكس صحيح
ونُرد الباب
علي أي هباب
ونعيش أغراب
بلا دين وكتاب
يتهد الحيل
علي آخر الليل
والحال مستور
100 فل ونور والعكس صحيح
يا جماعة
العدل ده موضة قديمة
ولسان اللأه
ده عيب وشتيمة
والأندّل ندل
بقيما وسيما
وأهو ماشي
اليوم لا أنين ولا لوم والعكس صحيح
أخلاق وحضارة
.. علوم وإدارة
ونفوس جبّارة
.. نفوس قدّارة
وقتها لو ضاع
بتقول يا خسارة
زُراع ..
صُناع وأحسنهّا تجارة
ومدارس فاضية
.. مواصلات رايقة
دماغات مش
فاضية صاحية وفايقة
وعقول موزونة
ومش مجنونة
تدّينا معونة
خيار وصابونة
وكلام الساسة
دهاء وكياسة
وزرا ونواب..
خِل وأحباب
إعلام وثقافة
وفن رفيع
ولا فاسد فينا
وبِعّد الشر .. العكس صحيح
أنزه نُخبات
في الإنتخابات
أرجّل إخوات
ضد الأزمات
باشا وبهوات
رَدوّا الآمانات
ولافينا حرامي
ده كله عِصامّي .. والعكس صحيح
والعلم مفيد
يعلي وبيزيد
ولافينا شريد
ولافينا عبيد
والكل سواء
عايشين سُعداء
كله أصِحّاء
ولا موت ولاداء.. والعكس صحيح
سحابتنا في
المستقبل باين فيها مطر وغيوم
وخيبتنا اللي في
الحاضر يمكن مرة عشانها نقوم
نِرمح في الريح
إلي برّ مريح وده حل صحيح
الاشتراك في:
تعليقات الرسالة (Atom)
ليست هناك تعليقات:
إرسال تعليق