مبنعرفش

كلمة ماضي .. يعني اللي فات

كلمة راضي يعني السكات

كلمة حاضر دي للممات

مبنعرفش كلمة زمان

مبنفهمش معني الآوان

مبنقدرش نحيي اللي كان

مبنسألش علي بعض ليه

مبنحلمش مع بعض ليه

منحققش آمانينا ليه

لما الصِدق يسكن قلوبنا

يجري الحق يمحي في عيوبنا

يبقي العشق حنة لدروبنا

مبنوصلش درب وسبيل

عشان إنحَط فينا الدليل

تاه من بالنا وضع البديل

مبنملكش غير أدني قوت

بس حياتنا غالية بشروط

ليه منعومش حتي الشطوط

ليه مبنشوفش غير الضياع

منفكرش غير في الجمِاع

ومبنبيعش حتي اللي باع

مبنفديش أوطاننا ليه

مبنحميش أغصاننا ليه

مبنرويش في عطشنا ليه

كلمة حب يعني الأمان

كلمة حق تطلع تبان

تبقي مدق لطريق حنان

قشة وقشة قصر وكبير

أرواح هشة فين الضمير

نام وإتعشي وإصبح أسير ..