زفوا الفرخة للديك بعرور
حنوا العشة بدفوف و طبول
كاكو يا معازيم إلي فجر النور
الكيف للصبح والقعدة تطول
علّوا المزازيك علي واحدة ونص
يا حمامي الزاجل طير رقاص
في عيون عشمانة الليلة تبص
من تحت رجولها بـ حَول بصّاص
و الحب غياب و الشمس تقيد
البط إتكلم وبيفقس بيض
و يعيش علي قلب الإنتخابات
من تحت الوزة يجيب في بنات
و الصبر حَكم ع الليل عناقيد
ديك إبن برابر يتعشي جاتوه
بدل المية وعيشكو المبلول
نشربه يوجع بطننا علي طول
زغروطة يا جماعة لـ عريس ننوس
خَد رضا وقبول مليون مكسور
حاضنين السما ماليانة غيوم
هنا من علّا و خضّرها بذور
هنا بسملة وفل و ياسمين
و يا عبدالله حب التانيين
رفرف طيرك من فوق غيطك
يكتر خيرك يوسع صيتك
عايزين نبدر حبات و ننول
و السكة أمان و العشة قصور
نتجمع تاني علي الأنهار
حلونا قارب ينهي المشوار
يوصل بينا نعدي المسافات
يؤمر فينا تتمد جذور ..
ليست هناك تعليقات:
إرسال تعليق