مُرة الغربة

 

مُرة الغربة يا بلدي عليا

من غير صحبة وأهل و ناس

أنا من الغربة بتبكي عينيا

نفسي أشوف لو ضوء ونّاس

مُرة الغربة يا بلدي عليا

من غير إيد تزرع مع إيد

تحصُد فرحة خير و وليد

إيد مع إيد تبنِّي وتساعد

أمي وأبويا و كهل و واعد

نلقيَّ ولاد زرعتنا الخضرة

شجرة ضل وطارحة الثمرة

ونعيش تحتها عيشة هنية

مالها الكلمة برقة و طيبة

فيها محبة و حُرمة و هيبة

عايزين فكِر ياخُد بإيدينا

يروي عطشنا ويضيف لينا

ونلاقي في كبيرنا نصيحة

تلمس عيننا دنيا فسيحة

نبتدي منها بروح مَهدّية

من غير جيرة و لمّة و عِشرة

تِمليَّ وشوشنا البَسمة الكِشرة

عايزين حُسن مُعاملة ونيّة

صافية بإخلاص مش مؤذية

خلوا سلامنا بوردة وريشة

ندِّعي لبعض بأحسن عيشة

كل الخير هيُعم يا غالية

أرضنا واحدة بلسان واحد

فينا غريب خاين أو جاحد

نفسُه بنقصُه يعِدي بلدنا

ويهوّن في عينينا ولادنا

نجري سباق ناكل بعضينا

نبقي أشباح والضلمة مدينة

نوّر ياللا عليك وعليا

ندِّي لبعض وناخد مِنا

أحلي مافينا هتصبح جنة

ربك كارم .. جُند حارسها

نؤمن بيها ونبوس راسها

نحلم بيها و فيها و ليها

ونكون سوا ملك لآياديها

ننتمّي بقي دي بلدنا هدية ..