السبت، 14 مارس 2015
قرّبت أموت
علي طبلة ورق وعود هأعزف لحني
المفقود
وأطرِب غنيوة حزينة غنوة وعدي
الموعود
لا قدرت أقول مواويل أبوح
فيها المكبوت
ومسكت سرابي دليل ولـ فيين
قربت أموت
ولمين غنوتي بتقول إني أنا ع
الأرض رسول
تِعمر علي إيدي مدينة والخير
والحق أصول
وصرفت العمر بلاش ب عرق ودموع
جيّاش
والرزق إتعبي زكايب وإتصدر برّه
وكاش
يا جيتار دندن طقطوقة ويا ناي
إعزف معلش
كلمة حق ومنطوقة أعظم م الزيف
والغش
يا كمانجا أصرخي ب عويل مستني
الشمس ف ليل
والكون جنبي بيتغير وأنا تايه
درب طويل
وحلِفت ما هأحلم تاني أصلي أنا
كلي مبسواش
قطفوا الورد في بستاني هأحلف
بالوطن إن عاش
ويا روح حسي بآلامك من غير
فارس أحلامك
وإطلعي للنور م الضلمة وإصنعي
معني لأيامك
والعقل ده لازمته إيه إذا
كنتش أفكر بيه
أحمي وأصون النِعمة م العِدا
و ولاد الإيه
علي طبلة ورق وعود هأعزف إسمي
ب مخلود
وأرجع من تاني أفكر إزاي علي
نفسي راح أقدر
أبنّي وأكبّر وأخضّر وأبقي أنا
و نفسي جنود ..
الاشتراك في:
تعليقات الرسالة (Atom)
ليست هناك تعليقات:
إرسال تعليق