كبر السواد تحت الجفون
دبلت يا عيني أجمل عيون
كتر البُكا خلَّاها ساقية
وأنا قلبي شاهد وعينيا حاكية
آهات آهات عن قلب مات
حي وعايش بس ف سكات
وأهو يومه فات والتاني فات
والحي أبقي من اللي مات
أنا بقي طعمه علقم ممرر
علي طرف سنه سكر مكرر
في حياتي ماشي عمال بأدور
علي مين في إيدي و مين معايا
مين اللي ضدي ومين ورايا
ومين اللي عنده المعجزات
أنا دمعي خايف لـ .. يبلّ خدّي
لأحسن يشقق ولا يبقي قدي
وأنا من زمان الود ودي
أبدرها حب وأمحيك يا كرب
و أنشل
بقيتي م الرحايا
و آه و آه لأ دي آهات
ليست هناك تعليقات:
إرسال تعليق