فـكـوا الحبل اللي عـلي رقـابي
تـاه أعـدائـي في وسط أحـبابي
مبـقـتـش أعرف مـيـن ويـايـا
ميـن ينصفـني ويبـقي معـايـا
والمحروس بقي اسمه مكآبي
قوللي ازاي يا مكآبي أتنطط
وأخـدم غـرضك وأبـقيّ مـظـبـط
إكـسـر عـينـي وفــُك رقــبـتي
وهأقول أيــوة لأي مُخـطط
ألـبـس طرطور وأمـسـك خـيـشـة
وأمسـح تـحـتك أحـسـن عـيـشـة
فـُكـك بـقـي بـلا أي مـبــادئ
حـبـة برادس كام تحـبـيـشـة
وأبقـي كـبير كبُرات المركـز
أسرق وأنهب وأقتل وأركـز
والطـلـقات تـضربللي تـحـيـة
واشـتـري كـلب حـراسة مـجـهـز
يلحـس كعـب حبيب أحـبابـي
المحروس انا قصدي مكآبي
ويكون أسد الـغـابـة فـي إيـدي
أطلـِـقـه بس يُـعـض عـبـيدي
ينـهّـش نـهّـشـة يعوّر واحد
كل الباقي هيجروا يا سيدي
ولا أمسك شخـشـيخة ويويو
وأفضّل أريّـل لـلـي تـقـولـه
حاضـر طـيـب كـلـه يـُنـفــذ
هأدبحـلـك كـل الـلـي تعوزه
حتي إن قولت أدبحلك إبني
هأدبحهـولك وانت حاسـبني
إديـنـي قـصر وفِـدن عـفـيـة
أرويـها بـدم اللي تـاعـبـنـي
هأسهـر أفِــن قـانـون ع الـبـَسـطـة
كل أوامرك قـشــطـة ألـسـطـة
والتـأيـيــد مليـون في المِـيـة
و إوعي تشك في أخوك ده هـفيـة
ده أنا عُـقـر وبَـلــوّة ورزيـّة
داهـيــة مـسـيّحة كـلـي أذية
هاتلي حمارتك هأركـبـهالك
بالـمـقـلـوب وأتـزف قبُـالـك
من ده بـكـرة هـاتوا بقرشين
المحـروس ومكـآبي الـزيـن
من ده بكرة هاتوا بقرشـيـن
المحروس بـيعـيـش قـرنـين
من ده بكرة هاتوا بقرشـيـن
يحيا مكآبي .. المحروس فين ..
ليست هناك تعليقات:
إرسال تعليق