شوف مروا بينا كام سنة
عايشين حيارة السوسنة
خوف
الزمان رد البيبان
علي هواجس مالهاش تمن
توهنا ف مكاننا و بكرة البعيد
زاغت عيوننا عن الزمن
غابة الطيابة تدي الديابة
سرسوب محبة يتمط .. مط
و فتات مجاري العيش و هاري
عبي وفاري .. بينط .. نط
علي هياكل غاوية المشاكل
مفيهمش عاقل تسمعله .. قط
و إحنا الغلابة زي السحابة
مطرح ما تمشي تتحط .. حط
و ندور في ياما نسمع ملامة
و بلاد تشيلنا وتحطنا
و سكوت علمنا بيهزنا
حطة يا بطة دقن الهوي
نوصل محطة و إحنا سوا
و نقول خلاص جيبنا الدوا
عرفات نادانا نازلين منيَّ
و الحجة تخلص من غير ذنوب
آل يعني ممكن نسمع أتوب
نغزل في توب بيساع قلوب
همس الجواري ف الميمنة
نخسر نعدد نحلم نجدد
تاني الأماني في طريق غروب
نهرب و نرحل في ذكري ترحم
مر الثواني و الملّملة
طوف يا حمام فوق السما
سكّـنا برج السوسنة
حب و غرام من غير ألم
نتلاقي بعد ( 200) سنة
إحنا و شبابنا و قلبنا ..!!!
ليست هناك تعليقات:
إرسال تعليق