جرحي
رمادي ووجعي بلادي
كلمة
ونص و قل مادل
أنا
متموه علي دي الموجة
جوه
الموجز قلبي إتـذل
وأنا
متسلح فوضي وهوجة
وسط
الزحمة وخلق ما كـلّ
بأجري
علي الرزق اللي لغيري
وكتر
شري وخيري إتـقـل
هنا
أوكاري ف عب الشاري
اللي
يبـيع وطنه المنحل
صومت
وناسي فطرت بناسي
وإتسحـرت
بملح وخل
لازم
أطاطي ويعلي الواطي
زاد
إحباطي ده مالهاش حل
خدت
البحر سواقي لطيري
عشي
إتغـرق كذا محتل
وانا
واخد حذري وتدابيري
من
صرخات أعمي ومختل
هي
سواعدي تبني مصيري
وانا
متدفي ف عز الطـلّ
مين
عارف أو شاف تأثيري
بتكلم
العِـدا تـتبـل
أصل
مزاجي تكون أزواجي
مالهمش
في إعرابي محل
بأكفي
ف ضهري العريان شوقه
إني
أرتوي من سلوى ومّـن
وأطوي
في عمري سنين مسروقة
أصل
سؤالي خلاص إتحل
لازم
أطاطي ويعلي الواطي
زاد
إحباطي ده مالهاش حل !!
ليست هناك تعليقات:
إرسال تعليق