سيارات .. طيارات ..
في الشوارع والأزقة والحارات
سواقين .. كسلانين ..
داسوا ع الناس الغلابة أجمعين
وسع طريق .. للأوتوبيسات
و
الجرارات و المقطورات
وسع طريق .. للدراجات
و أهل الرصيف و التاكسيات
مطب إيه .. و نقرة إيه ..
و الناس بتسقط ف البلاعات
إشارات مرور زي الطهور
تلسع ثواني وتغيب دهور
حلبة سباق ف طريق زقاق
و
الزحمة طفحت والكيل غباء
و التوكتوكات و الفطوطات
و المشروعات و الإسعافات
لا مطافي توصل ولا دوريات
في طريق طويل واقف ساعات
و يفط تقول خشوا اليمين
وتلاقي ناسنا دخلوا الشمال
و يفط تقول منعوا الركون
والناس بتركن و مفيش مجال
مشوار بسيط في ساعات كتير
لجل المواكب في تنظيمات
و الناس تموت م الإنتظار
ما نظامنا كله تعديات
عدوا يا ناس موتوا يا ناس
ملكمش سكة و إنتوا المداس
و مرور أمير مع الوزير
و أسد يزيد من غلب ناس
فيم يا بيه .. فـوت جنيه
و نمر بـ 100 دي التسعيرات
تجديد لرخصة ب 200 جنيه
و
200 ضريبة في الرسميات
لجنة ف طريق سَــدّة الطريق
عـدّا الصديق قفش البرئ
حزام لإيه و طفاية إيه
عطلت ناسك بالإجبارات
يا مرور حرام من غير كلام
تخنق ف ناسك بالتحبيكات ..!!
ليست هناك تعليقات:
إرسال تعليق