دولا مين .. مؤمنيين !! لأ ده كفرة ملحدين
داعـش .. جنس ملخبطين
أرزقـية .. هـبشجـية طفح من كيل السنين
داعش .. آل المجرمين
داعش قتلة مأجورين
قالو داعـش قولنا ماعـز
هـِش هِـرر علي المراعي
إحشوا بطونكو يا مفجوعين
بالرسايل قالو هابوا
بالصور إتفـزعوا خافوا
و الحقيقة .. مختفين
جُبنا دي كلمة كبيرة عن مقام الغدارين
بعد ما أدونا الأمانة يدبحونا .. محنيين
الشيطان قاعـد يذاكـرمستعجب من العميل
تلميذه ناجح و عدي الأبالسة بأفاعـيل
السلاح مرعوش ف إيديهم
لما جيبهم يفضي يوم
و لا تيجي الدورة تاخده
يجري علي ملك اليمين
الرجالة بتتنظـركـو ع المفارق و الحدود
نصرهم جاي بإيديهم بعد بركات الرحيم
كلنا تحت الأوامر شهدا دايماً مطلوبين
ده قدرنا أمي و أمك محتاجانا عشان تعـيش
الحرية ف أرض صامدة
أحسن من عـبد النيران
الله واحد روحه واحدة
و الشهادة حق دين ..
ليست هناك تعليقات:
إرسال تعليق