قـرد مِسلسل حاضن مـوزة
و الأنتن من ياهو .. العـوزة
"باراكة" حسين طاعن ف الضهـر
سمعة و صيت و ودان و بازوكا
تضرب عـقـل أفنديات
من كام سنة كان ليهم قـيمة
الحاج أحمد طـق و مات
و عـياله .. داعش ف السيما
بهلوانات إستعـراضية
شغـلتهم الكاش .. نكاح
بيجاهدو الدول العربية
أصل عدونا سافر .. راح
إسود برة و إسود جوه
و قلب أصفر م اللمونادة
لا بيعلموا غير بس القوة
من غير معني .. سبب ولا عادة
ياللا يا شعب إتجرأ فوت
دوس و إدفنهم واحد واحد
حلق حوش داعـش بتموت
صوت مبحوح لكلب و جاحد
حس بينخر عـقل الـسـود
أنتوا أبيض م اللبن الصافي
يديك صحة وعافية يا تور
يا أسير زمن الحب الدافي
ليه مشايفش غير البساتين
هما عينيك الإتنين ضايعين
دولا جراح بيعـلي أنين
حلق معـلقـم بالصبار
يا جهنم يا عبيد النار
يا حثالة جند الشيطان
أتخن منكم بقوا أطلال
تحت رجول المصريين
شعب شجاع بيفوت في حديد
مش جبانات عـدوا من الحيط
صراصير و إحنا لقينا مبيد
نخفيكم كده في دقيقتين
حلق حوش داعـش بتموت
ياللا يا شعب .. الشهدا كتير
ياللي يوماتي دافـن قـمامير
جهز حالك قـوم و واجههم
و إفنيهم حتي في أراضيهم
إحنا سلاحنا إيمان جبار
و هما كلاب أنجس م البار
عملة بتخسر ليل و نهار
علي طرابيزة ميزانها قمار
يعني غباوة راكبة حمار
لأ .. دي وحوش مسخ و غدارة
دبح الرووس مبدأ و آمارة
بس إتهفوا ف راسهم غارة
دخلم أرض المصريين
طول عمرها جنود رجالة
أصلي و مش تقليد م البالة
لو شافوا بس خيالكم فايت
هيطلعوا ف جـتتكـو الحالة
حلق حوش داعـش بتموت
ليست هناك تعليقات:
إرسال تعليق