وســّع .. وســع .. دكّـر العـيلة
العـنـقـود إبن أمـه الحـيـلة
جاي وشال روحه علي كـفـه
يـفـدي وطـنـه يا أهـل الحي
سـيـسي جاي .. الـسـيـسي جـاي
بكرة الليل يطلع له نهار
و نـكـمل أجـمل مـشـوار
بدأه شهيد له ضحكة عـتاب
ع اللي يخون العـيش و الميّ
بكرة الناس تـركـب طـيارة
كل إتـنين يـسـكـنوا في عـمارة
و هـتهـدي الناس المحتارة
لما تعـيش لحظة من الجاي
بكرة الـسـما هـتـمطـر عُـملة
و الأفــراح قـطاعي و جُـملـة
تـتـحـقـق أحـلام الأمــة
لما الـمـحـروق يـرجـع نــيّ
بكرة الـدنيا هـتـصبح جـنـة
و الأرض هـتـتـحـول حِـنـة
و الصحـرا هـتـتـخـضـر غــابـة
لما يـطـلُّ الـقـمـر أبـو ضـيّ
سـيـسي جاي .. الـسـيـسي جـاي
بكرة المية هـتـمـشي ف زورنا
و اللحمة تعـدي علي بـطـوننا
و الكهـربا تـدخـل دوارنـا
نــوّر ياللا عـليك وعليّ
بكرة الـشـمس تـدّفـي بـيـوتـنا
من نِعـمّـتها نــزوِد قــُـوتـنا
نِعـلّي نـقـوم من قـيـمة صـوتـنا
لما نكون واحـد ماله زيّ !!
بكرة الـفـلاح يـصبـح بـاشـا
و صعـيـدي هـيكـون " أومـباشـة
"
و الـقـاشـيـة معـدن و بُـغـاشـا
مش هـنلاحق ع الـخـيـر جاي
بكرة الـشـارع يـبـقي مـرايا
و نـزّيـن نُـص الـكـوبايـة
و نـقـدمها لأحـلي حـكاية
مـرّت ع الإنسان الـحـي ..
سـيـسي جاي .. الـسـيـسي جـاي
ليست هناك تعليقات:
إرسال تعليق