إمام
المصلحنجي جوز دوسة المرمرية
واد
فهلوي وحـلنجي قـمّاط و مالهش دية
بـكِـريـه
صابر و راضي و موافـق ع الخـساير
دلوعة
حزامه ساقط لكن هايج وثاير
أما
بنوته طيبة حلوة و لسه بشاير
خاله زكي
المظبط المترمط في ميري
عـمه سافـر
يـخبط أوروبي أو خـليجي
لايهمه
البحر يعـلي ولا يوطي وفيه مـهـيّـة
ولا مـطرة
ف صيف تـنـطـر ولا شمس مـخـتـفـية
وشهادته
تقول يعامل معاملة الأطفال
لأحـسن هـينام
معاها ويجيب قـرطة عيال
ولاعنده
ضمير يفكر ولا شايف إيه دليله
بـيـعـاند
في المـقـدر و بـيـنـسي هـواه و ميله
كان إبن
حلال مصفي بس خانه الحظ غاب
بقي عاره
حرام مكفي وهو زوِّد ف الحساب
بكره
عنده زي بعـده والمهم إن الـقـضية
إن كله
زي بعـضه والحكاية هي هي
والأهم إنه
يـسـلطـن و دولا يا إبني ولاد بهية ..
