الجمعة، 27 فبراير 2015
البادي أظلم
البادي أظلم الغدار المفتري
العادي أظلم المكار المُجتري
يا سلام علي غصن زتونة
ضللّ
علي ناس موهونة
وحمام أبيض بجناحه رفرف ع المُهتدي
الي دين يربطنا بمعني يواسينا ويجمعنا
ولا شئ تاني يمزّعنا كله بخير مُبتدي
الباغي أظلم الضلالي المفتري
الساعي دايما للأذيـّة مُـنبري
يا سلام ع العيش والملح
يا سلام ع العيش والملح
لو يتـمّر في اللي دايق
كان ميبـيعـش المشتري
والعادي أجرّم في الأخوة وعهدها
وبدم هادي حط الطين علي خدهّا
يا سلام في وطن وحدود
ولا فيه أسرار وجمود
ولا كره ولوم وغموض وجحود
رشوا المسك العنبري
والله أكبر فوق كيد المعتدي
الأمُّـة صابرة وآدي أرواحنا بتـفتـدي
والدود نخـَّور أساسنا كعـبلـنا وقام دهـسنا
وسـراب الخوف حبسـنا
قولنا نخون ولا نعَـتري
آخر القصة الكدابة ضلمّة وعذاب الغابة
إنما لو قلبنا صافي حب ودافي ومُـنجلي
الأمل موجود
توهت ليه يا ولدَي منِّي إمتي يوم هتعود
إنكسارك غصَب عنَّي والأمل موجود
صَعب أعيش في الدنيا دية وكل شئ مسدود
عمري ضاع وسط الوسية دِبلو أحلي ورود
مش مهم إتبقيّ كام م السنين وسط الزحِام
المُهم إن انت يا ابني تِبنّي بإيديك الرُكام
عايز أغادر دنيا فانية وألقيّ في عينيك الحياة
تبقي قادر كل ثانية توصِل الحلم ومَداه
مهما كان صَعبك صديقك إبدّع
الحَل الأكيد
وبإيديك إزرع طريقك .. دِل بالخير اللي تاه
فِهمي كان علي قدي يا ابني بس في ذكاءك حلول
خلي كل الدنيا وردي دول يومين مش للكسول
إروي روحك بالشجاعة عدَّي تلّ المُستحيل
إمّ بإيمانك جماعة وإنتفض وإوصل ونول
إرجع احضُني يا ولدي قبل ما تجف الدموع
زي ما بلدك دي بلدي ولا مش ناوي الرجوع
لأه يا آبا أنا جاي أبنيَّ لجلك انت ولجّل إبني
لسه فية عيون وعافية أحييِّ بإيديني الرُكام
إتغـيرت الـوشـوش
إتغـيرت الـوشـوش
لـخـاطـر الـقـروش
مـين فـينا قـدِر
يـحـوش طـاحونة الـحـياة
وإتـشـابـهـت الـبـيـوت
والـشـارع والـسـكـوت
ولا بـانـش لـحـد
صـوت يـلـحـق طـوق الـنـجـاة
وغـرقـنا من الهـموم
في بـحـور من الغـمـوم
ضـحـية ورا ضـحـية
وخـلاصـنا مـجـاش في يـوم
حـرمّـنا الـمـسـتـباح
و قـفـلـنـا باب بـراح
وإتـمـدّت الـوسـيّـة
لـمّـت شـمّـل الـجـراح
وإزاي طال الـثـبات
وإزاي الـحـلم مـات
وإزاي أكـلو العـصايا
عُـكازنا علي الـفـتات
وإزاي تـخـنـت كـروش
بـفـسـاد فـك الـقـروش
عـضعـض عـضم الـرعـايـا
والـجـوع تـمـن العـروش
زرعـتـنا فـيها
دود .. صـنعـتـنا الـجـمـود
ودماغـنا تـافـهـة
خـالـص وإزاي تـبـقـي الـحـياة
حـبـسـتـنا الحـدود
حـرمـتـنا ف يـوم نـعـود
أول وأقـدم مـمـول
للـشـرع وللـحـدود
وإزاي تاهـت نـفـوس
ف الأعـمال والعـكوس
والجهـل صَـبح عـطـيّـة
لـجـل تـُمـر الحـياة
الـجـنة ملاها سـوس
والضـلـمّـة بـقـت فانـوس
والحـق صـبح تـحـول
عن َركـبّ بدون تـروس
ضـحـيـنـا بـالفـلاح
والعـزة والـصلاح
وإخـتـرنا بـنار
دمـائـنا نـقـفـل سـكك الـنـجـاح
وهـربـنا علي الـسـباق
خـليـنا الـدين دعـاء
مـنـهـج لـو نـسـتـغـله
كانت تـحـلو الحـياة
لـو يـبـقي العـلم
نـور والحـب يـكون جـَسـور
يـكـسـر عـتـمـة
قـلوبـنا تـطـرح فـيـنا الـبـذور
نـجـمع شـمـل الـدماء
والـكل يـكون سـواء
والـصـبر فـرج قـريـب
يـنـبـوع سـر الـحـياة
مـشـوار الألـف مـيل
خـطوة في طـريق طـويل
بس نبدأ م الـسـاعـادي
واللي جاي أمـل جـمـيل
الـشـتـات مـبـقـاش
يـفـيـد والـسـكـوت ده للعـبـيـد
وكلامـنا ع الـشـفـايـف
حـابـسـه خـوفـنا
ف الـوريـد
حـقـنـا قـوة سـلام
بالـمـحـبة والإبـتـسـام
تـترعـب مـنا الأعـادي
وإحـنا بـنـطـيّـر حـمام
تـضـرب الأرض الـرجـول
تـنـده العـقـل الكـسـول
يـوجـد الـحـل لـنـفـسـه
بالـمـبادئ والأصـول
يـنـتـصـر فـيـنا
الـضـمـير نـحـصـد الـخـيـر الـكـتـيـر
تـتـمـلي وشــوشـنا الـبـريـئة بالـحـقـيـقـة والـحـياة
ابن الحِتة
هزة راس مع مصَّة شِفة
كام طأطأة علي حبّة خِفة
دمعَّة ونُص علي ابن الحتة
باني جدار عواميد سواقيها
أجمل منها وأحلي ما فيها
بإبنه ودَمُه وداره حاميها
يبقي جَزاة كل إحتمالاته
بعد ما عاش عمره وحياته
يكوي في ألمَه.. يعِد ساعاته
يبدُر فرَحه علي ابتساماته
يقتل جرحه يعيش أوقاته
وينام خمسة وستة وتسعة
عايش فرُجة ف صندوق دنيا
دنيا كبيرة عليه من جوه
ملي 100 قربة إتخرموا ف ثانية
وهو يا عيني لا حول .. لاقوة
وأما ابتدي يتجمع تاني
نطوَّا قرود نسانيس بجاكتة
لابسين فالصو المعني ومالهم
زاد أوجاع القلب إتسوي
حطوَّا ف جيبهم عيني ف عينك
علوَّا عيوبهم علي جناحينك
درب..سبيل ..أو سكة اتسدت
كل مجاهدة محاولة اتعملت
ولسه الحظ مجاش م النوم
طوَّل أوي وإسأل نجاحاته
علِمه وعشقه لوطنه وذاته
بس كبار السفلة ازدادوا
مليون حفلة وفيلم اتعادوا
فجأة اختفي حلمه في ندواته
راح وانخفي بين لون نزواته
صدا ف قلبه ما فاضل حتة
حتي الحزن معادش ملاقي
حتة في قلبي وفاض ببكائي
إزاي بكرة وفين هنكون
تحت تراب في الفضا في عيون
نزلت تِدمّع دمعة حيرة
فيها ندم علي قصة مريرة
حاولت تجمع كل آلامها
بس جروحها شجر أيامها
حتي الدم أهو مر عليها..
عبي شوال وأهو طرشق فيها
أنا كان ودي.. أودِ.. تودي
وأحبل فيكي جنَين علي قدي
وأثبّت إني أصيل من ناسك
وأسكن ضي منير متماسك
واقف ثابت صقر محارب
كل سلاحه إيمان وتجارب
يمكن مرة نعدِّي محال أونتغير للأنجال
نطوي غروب كان قمره سؤال
إمتي بجد هنصبح حتة..؟
الاشتراك في:
الرسائل (Atom)