سلامات
يا الثورة معادش خلاص
فضينا
المولد روح ياض
طبق
الّعِلام وإتلهي ف البيت
مع
ماتش الكورة وطش الزيت
و
الخير هيجيك من باب الغيط
رأسا
لجيوبك يا إبن الناس
روّح
متطلعش الزرابين
ما
لقينا الكنز وفيه كنزين
بس
توافق وتقوللي آمين
راح
أنغنغ أهلك فضة وماس
عايزينا
نسيب أبراجنا العاج
ننزل
نتفاهم ويا كلاب
بالطول
بالعرض هتاكلوا كباب
ليه
تستعجلوا علي وجع الراس
ما
تسيبوا الناس تمشي بكيفها
و
تدور تاني علي حليفها
عشان
نرجع نستنزفها
نحلبها
لحد ما نتلفها
آدي
ودن الطين و التانية عجين
طرشان
الزفة و طبل الطييت
إرقصوا
ياللا بحبل المجانين
هدوا
الأهرام و إردموا في النيل
قارفنا
ورابطين سلاسلنا
بقي
بس المالح ده سبيلنا
حرية
.. كرامة .. خُطب تنداس
